Mastfirosa qerpîs
Jinkeka mastfiros gelek ya qerpîs bo. Eger bi wê ba, çicar deynê kesê nedidayê.
Mêrê wê, berovajî hindê, çend parek hatiba destan, da demildest çît deynê xelkê
detê. Jinka mastfiros diço bazarî liber lêva cadê mastê xo difirost. Rojekê ji rojan
wê sed dînar liser cadê dîtin. Her zî helgirtin û hêsta mastê xo hemî nefirostî,
hema êkser qesta mal kir û ew sed dînar li mal vesartin û ço tana mastê xo.
Bêhnek pêve neço mêrê wê hate mal û danfiros ji ligel bo, hatibo qerê xo, sed dînarêt heqê çar tenekêt cehî. Wî mal serêk û binêkkir, ew sed dînar dîtin û dane danfirosî û gotê mala te ava te hinde xo li me girtî Danfirosî gotê mala te jî ava û
ço qesta dikandarî kir. Dikandarî sed dînar li danfirosî bon, heqê cotekê pêlavan. Dikandarî supasiya danfirosî kir û ew sed dînar danef jina xo û gotê here deynê
asingerî bidê, eve havînê min salokek bi sed dînaran jê kirî û hêsta min heqê wî nedayê. Jina dikandarî ço kûrha asingerî. Asingerî çekoçê xo bilindkirbo da li asinî bidet, wî jidûr ve jina dikandarî dît, wî êkser zanî wê qerê wî yê înay, çekoçê
xo sistkir û nedana asinî, her hêdî berdave û ço berahiyê. Jina dikandarî sed dînarêt wî danê û gutê mala te ava te hinde xo li me girtî, te qencîkir. Wî jî ew sed dînar helgirtin û êkser qesta mala jinka mastfiros kir, qerê wê yê mastî ketibo
serêk û bibo sed dînar. Mêrê jinkê hêsta li mal bo. Asingerî gotê eve heqê mastê jinka te ye û sedcarkî mala we avabît. Mêrê jinka mastfiros jî supasiya wî kir û ew pare danane cihê berê û qesta derve kir.
Pistî jinka mastfiros mastê xo hemî firostî, bilez mencelokêt xo helgirtin û viya zî bigehîte mal hêsta mêrê wê nehatî û ew sed dînar nedaye çi qeran. Bi bêhin helmayve jinka mastfiros gehiste mal û berê xo dayê ku sed dînarêt wê shêstas yê li cihê xo. Keyfa wê gelek hat.
Berhevkar:Cotyar Bamernî
